عارفة عبد الرسول، الفنانة المصرية القديرة، أعلنت خلال منشور لها عبر صفحتها على فيس بوك، عن تعاطفها مع أبناء المشاهير، بسبب ما يتعرضون له من مضايقات ورزالات فى بداية مشوارهم الفني.
عارفة عبد الرسول تتعاطف مع أبناء الفنانين
كتبت عارفة عبد الرسول: “أنا متعاطفة جداً مع أبناء المشاهير، الناس بيقولوا خد فرصة عشان ابن فلان، ومهما اتشقلب وعمل اللالي لازم يقارنوه بالاسم الأصلي، ويفضل طول عمره متحمل رزالات مالوش فيها ذنب”.
وأضافت عبد الرسول: “بشتغل اليومين دول مع مخرج منهم، شايف كويس تفاصيله مالهاش حل، محترم مع الصغير قبل الكبير، ورغم خبرتى اللى على قدي، أقدر أقول إنه هايبقى مخرج كبير من اللى يتعدوا على الصوابع دول”.
وتابعت عبد الرسول: “ألاقي واحد جاي يعمل مشهد يقوله عشان أنت حفيد الأستاذ، جايبنى أعمل كلمتين وبس، واحد من المجاميع المفروض بيعلق يافطه في المشهد وإحنا بنقوله يمين شوية شمال شوية… قوم هو بيحرك اللوحة وبيترقص بطريقة غريبة”.
وواختتمت منشورها قائلة: “المخرج يقوله بلاش كده حرك إيدك بس يقوله، إحنا تلامذة الأستاذ واتعلمنا منه… طب يا سيدى كتر خيرك، ممكن تحرك إيدك بس، وهكذا. والله بيصعب عليا، وهو بيقابل ده بابتسامة لطيفة قلبي عندك يا ابني…. المخرج…عمر المهندس”.
