بوسي، الفنانة المصرية، تحدثت خلال مداخلة هاتفية لبرنامج “90 دقيقة” مع الأعلامية بسمة وهبة عبر فضائية “المحور”،عن السبب الحقيقي وراء غيابها عن جنازة والدها، كذلك نفت بوسي الشائعات التي تم تداولها مؤخراً حول طلاقها من مصفف الشعر هشام ربيع.
بوسي تنفي شائعة طلاقها
تجدثت بوسي عن إنتشار شائعات طلاقها قائلة: “اتفقت مع زوجى على أن يرد طليقته لأنى عارفة قيمة الضنا، وأولاده أصحاب ابنى، ولما اتجوزنا كان منفصل عن مراته من فترة، وعمرى ما هتجوز راجل وعلى ذمته واحدة تانية”.
وأضافت بوسى: “الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر انشغال السوشيال ميديا بحياتى الشخصية”.
وواصلت: “الناس إيه اللي عرفها إن في مشاكل، أنا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني”.
ومن جانبه قال هشام ربيع :” إن ما تروجه السوشيال ميديا بشأن تدهور العلاقات بينهما أمر مغلوط تماماً، موضحاً: “الموضوع مأفور بشكل غير عادى فى السوشيال ميديا وبوسى تنهار بسبب حديث السوشيال ميديا أنها كانت تعوق والدها”.
وأضاف ربيع: “صالحتها ووالدها على بعض، وقلت لها عاوزين نتصور مع بعض وننزل الصورة عشان الناس فاهمة إنك عاقة، لكن هي قالت أنا ميهمنيش الناس، أنا بعامل ربنا”.
وتابع:” رجعت لأم أولادى وولادنا مع بعض فى كل حتة، ورصيدها زاد عندى لما وافقت أرجع لأم الأولاد”
بوسي تكشف سبب غيابها عن جنازة والدها
وعن سبب غيابها عن جنازت والدها قالت بوسي: “واحد من زملائي وواكلين معايا عيش وملح، ادعى هذا الكلام عشان يركب التريند على حساب زميلته اللي واكل معاها عيش وملح”.
وذكرت أنها تلقت خبر وفاة والدها بعد يومين من الوفاة،وقالت:” في ناس قاصدة تطلع شكلي وحش وإني محضرتش الجنازة، والله ما أعرف إلا بعدها بيومين، لو هعرف إن أبويا مات مش هنزل؟!.
وواصلت قائلةً: “ربنا يعلم عملت إيه مع خالي بعد ما مات وأثناء دفنه، مش هعمل ده مع أبويا؟ حتى لو كان آذاني في حياتي هو أبويا، ربنا المطلع ويحاسب، مفيش بني آدم بيحاسب بني آدم”.
