ريهام حجاج، الفنانة المصرية، ردت بالفيديو عبر حسابها على إنستغرام، على منشور منسوب إليها ومكتوب فيه “النهاردة أسعد يوم في حياتي”، وقيل إنها نشرته عبر خاصية الاستوري وحذفته بعد خمس دقائق، والذي جاء بعد ساعات قليلة من إعلان الفنانة ياسمين عبد العزيز طلاقها رسمياً من أحمد العوضي.
ريهام حجاج: لم أشمت في طلاق ياسمين عبد العزيز وأحمد العوضي
قالت حجاج في الفيديو الذي نشرته: “مساء الخير يا جماعة، أنا عاملة الفيديو ده عشان أرد، وأنا مش متعودة أرد على أي شائعات أو افتراءات”.
وتابعت: “بقالي 6 سنين بيتقال عني كلام أنا عمري ما قلته وأنا عمري ما رديت، لكن أنا قررت أرد وسخافة أوي وقلة احترام إني أكون قاعدة في بيتي واتفاجئ إني نزلت ستوري ومسحتها، وأنا ممسكتش الموبايل من 7 ساعات.. مش هسمح لحد بعد كده إنه يطلع عليا شائعات، أنا معملتش كده والاستوري منتشر على صفحات رخيصة بتدور على الوقيعة بين الناس”.
وعلقت ريهام حجاج على الفيديو قائلة: “عيب احترموا نفسكم بقا و خللي عندكم دين وأخلاق بدل الانحدار إللي باقيتوا فيه دا…حاتتعظوا إمتى دا الناس في غزة بتموت و انتم فاضيين للشر و الأفتراء”.
وعلق زوجها محمد حلاوة الزوج السابق لياسمين عبد العزيز وأبو أولادها:” ولا يهمك ياحبيبتي أشكال ضالة”.
