علا غانم، النجمة المصرية، كشفت خلال تصريحات أخيرة لها مع أحد البرامج التليفزيونية عن تفاصيل الحادث الذي تعرضت له على يد زوجها رجل الأعمال عبد العزيز حسن، واليكم التفاصيل.
علا غانم تُقدم الرواية الكاملة عن تعرضها للعنف الزوجي
قالت علا غانم في تصريحاتها: بيبعتلي رسايل كل يوم بالـ20 رسالة ومبسمعهمش مش بقدر أسمع صوته ولا عايزة أشوفه، ومش عايزاه يسأل عني وكل اللي عايزاه أخف وحقي يرجعلي، وهيرجعلي أنا واثقة”.
وتابعت: “أنا بشتغل من صغري وبحقق كل اللي نفسي فيه وعمر ما حد جابلي فستان ولا قولتله خرجني، أنا اخترت أكون أنا الست اللي بتجيب قرشها”.
وأضافت: “هو لا يستحق الرد، والقانون هو اللي هيرد عليه أنا معرفوش، الكابوس اللي خلاني أعيش فيه لمدة شهر عمري ما هنسهوله ولازم يدفع تمنه، وبعتذر لعيلتي ولولادي على كل اللي مرينا بيه، أنا زعّلت أهلي أوي وعرّضتهم لحاجات مكنتش تصح، وأنا آسفة إني عملت معاهم كده، والتجربة كانت وحشة جداً وبدفع تمنها”.
وكشفت علا غانم تفاصيل الحادث الذي تعرضت له على يد زوجها : “نزلت مصر ويوم 4 أكتوبر القاضي مجرد ما شافني قالي: رفضت. وتاني أسبوع رفعت قضية جديدة والقضية كانت شغالة ومحدش يعرف عني حاجة وبعدها جالي عرض مسلسل بمجرد ما نزلت مصر، وكنت ماشية في الخلع وهو اللي قالي: روحي اخلعي نفسك. وهو كان بيغير عليا جداً بس أنا بعتبرها تمثيل”.
