دنيا عبد العزيز، الفنانة المصرية، تحدثت خلال استضافتها في برنامج “في العمق” مع الفنان والإعلامي تامر شلتوت، عن والدتها الراحلة وكيف كان رحيل والدتها نقطة تحول في حياتها.
دنيا عبد العزيز تحكي كواليس وفاة والدتها في أحدث ظهور إعلامي لها
قالت دنيا خلال حوارها: أنا محافظة على كل حاجاتها، أوضتها وسريرها وتليفزيونها ونظارتها، والأباجورة الخاصة بها وتوكة شعرها وفرشتها، وآخر شبشب لبسته قبل ما تنزل من البيت”.
وتابعت دنيا قائلة: “لبسها كله موجود لإن ريحتها فيه، ومفيش حد بيدخل الأوضة وينضفها غيري، لكن ممكن أدخل حد كانت بتحبه جدا يقرأ لها الفاتحة، والتليفزيون على آخر قناة كانت بتتفرج عليها، وآخر بطاطين اتغطت بيها ما اتغسلوش، وفي شعر لها في الفرشة لسه موجود”.
وأوضحت دنيا عبد العزيز أنها تدخل غرفة والدتها بشكل متكرر لاستحضار ذكرياتهما، حيث تشاركها أحاديث وتفاعل مع صورها القديمة بدفء.
وواصلت حديثها قائلة: “طول الوقت في تفاصيل متعلقة بوالدتي تلاحقني، زي إني ابقى نازلة منهارة ومتضايقة ألاقي توك توك مكتوب عليه جودي”.
واعترفت دنيا عبد العزيز أن عام 2020 الذي شهد محنة مرض والدتها ووفاتها، يمثل نقطة تحول في حياتها، قائلة “أنا من بعد 2020 حصلي تحول تاني في الحياة”.
وأضافت دنيا: مبقاش فيه ناس عشان انخدع فيهم، يعني الناس اللي موجودين هما اللي اتغربلوا من الدنيا دي، وفضلوا وهيفضلوا اللي هما الحقيقيين في الحياة، اللي ظهروا في الموقف الحقيقي اللي كنت محتاجاهم فيه.”
وتابعت: “خلاص مش هيبقى فيه خداع، مش هيبقى فيه وجع بعد كدة، مش هتصدم خلاص، الكويس خلاص موجود، اللي مش كويس مشي”.
