محمد رمضان، الفنان المصري، كشف خلال مداخلته لقناة OnTime Sports، عن رغبته في تقديم عمل فني عن السيرة الذاتية لنجم الكرة الدولي محمد صلاح، مؤكداً ان قصة حياة اللعب الدولي مليئه بقصص النجاح المُلهمة للعديد من الشباب.
محمد رمضان: أتمنى تقديم عمل فني عن السيرة الذاتية لمحمد صلاح
قال محمد رمضان خلال حواره: “والله يشرفني طبعاً، قصة كفاح محمد صلاح ملهمة جدًّا لكل الشباب، وقصة عظيمة وفيها معاناة زي الفترة اللي كان عليه ضغط فيها، وإنه ازاي قدر يقاوم وينسى بعض الهجوم اللي حصل عليه، أول سجدة نشوفها في الملاعب الأوروبية.. أنا لو عملت الفيلم ده هبقى ساجد في البوستر بتاعه”.
وقال الفنان محمد رمضان إنه الآن يتواجد فى نفس الفندق الذي يتواجد به منتخب غانا الذى من المقرر أن يقابل منتخب مصر خلال دور المجموعات في كأس الأمم الأفريقية.
وأضاف محمد رمضان: اعتقد لو واخدين بالهم إني مصري هيخافوا يعملوا كده، والدور كله ريحته أبو فاس تقريبًا في علاج طبيعي في الدور مش عارف أعيش، مش عارف هل دي حاجة طبيعية لـ لاعيبة الكرة ولا إيه أنا مش عارف أنام من الريحة.
وعن اختياره للأغنية الرسمية لكأس الأمم الإفريقية، قال محمد رمضان: أنا مؤمن بحاجة اسمها قانون الجذب، أن الشيء اللي بنحلم بيه وبنسعى إليه هو كمان بيسعى لينا، وفي صلة رحم كبيرة بينا وبين الوطن العربي كله بسبب كرة القدم.
وشهد حفل افتتاح كأس الأمم الإفريقية الـ 34 في كوت ديفوار، مشاركة محمد رمضان في الأغنية الرسمية للبطولة “أكوابا”، كممثل وحيد للدول العربية في الأغنية الرسمية لحفل افتتاح بطولة كأس الأمم الإفريقية التي انطلقت فعالياتها أمس السبت.
