نشر محمد رمضان، مقطع فيديو عبر حسابه الشخصي بموقع إنستغرام، دافع خلاله عن الفنان بيومي فؤاد بعد تعرضه لحملة هجوم من بعض متابعيه في مصر، وأكد رمضان أن بيومي فؤاد لم يخطئ في حق أحد بتصريحاته الأخيرة.
محمد رمضان يدافع عن بيومي فؤاد
قال رمضان في رسالته: رسالتي لكل جمهوري العربي رأس مال أي فنان أو نجم في الدنيا هو الناس اللي هما حضراتكم، بنطلب من كل حبايبنا وكل اللي حوالينا أمي وأبويا يدعو أن ربنا يحبب فيا الناس والجمهور.
وتابع محمد رمضان: شيء قاسي لما أكتر حد أنت تبقى عايز تسعده وتنال رضاه هو اللي يكون قاسي عليك بالكلام، وكلامي عن زملائي وأخواتي وأنا بتشرف بيهم الاتنين محمد سلام وبيومي فؤاد، لا سلام غلط ولا بيومي غلط حتى لو في زلة لسان.
وأضاف رمضان: إحنا بنقول اللهم لا تؤاخذنا إن نسينا أو أخطانا، وربنا بيسامحنا، عملوا إيه الاتنين عشان نكون قاسين عليهم.
واختتم رمضان: إحنا مش مع إن بيومي يقفل الكومنتات عشان ميشوفش كلام وحش، ياريت نكون أحن من كده على بعض.
