أخبار النجوم

سمية الخشاب: أنصح بالزواج من المطلقات لأنهن أكثر خبرة

سمية الخشاب، النجمة المصرية، واصت نشاطها على مواقع التواصل الأجتماعي، وشاركت جمهورها اليوم عدة تغريدات قدمت خلالها نصائح للشباب والفتيات ..اليكم أبرزها.

سمية الخشاب تنصح بالزواج من المطلقات

سمية الخشاب وجهت نصيحة لجمهورها في يوم الحب، عبر حسابها الشخصي بموقع تويتر، قائلة: اتجوز وأنت عندك 40 سنة عشان تكون عملت فلوس كويسة وتعيش أولادك بمستوى كويس، هتتجوز بدري هتخلف 4 أو 3 ويطلعوا صايعين ويبقوا عالة على المجتمع.

وأضافت سمية الخشاب: لو اتجوزت الست المطلقة هتلاقيها أكثر خبرة في الحياة، لو اتجوزت وأنت عندك 25 سنة وريني هتصرف على مراتك وعيالك إزاي.

وخلال مداخلة هاتفية ببرنامج الستات الذي تقدمه الإعلامية سهير جودة، قالت: أنا عقلانية رومانسية وعقلي بيشتغل في الوقت المناسب، ولما أحس أن عقلي لازم يتدخل بخليه يتدخل وبصدقه وبضرب له تعظيم سلام، والحمد لله عقلي تدخل كتير علشان كده أنا لسه باقية على قيد الحياة، وده بعد النضج والخبرات لأني ما كنتش كده.

وأضافت سمية الخشاب: أنا برج الميزان وهما عطائيين أوي ونحانيح في الحب ويموتوا في الرومانسية، اللي بيعرف برج الميزان عارف أنه عطاء جداً وبيتفنن علشان يسعد حبيبه على حساب نفسه، لكن لما تيجي تحس أنه مش بيبادل بتقلب وتبقى وحشة، وأنا عقلي بيدخل في الوقت الصح وبقول لنفسي لازم تفوقي.

وأكدت سمية الخشاب أنها لا تعترف بيوم الحب قائلة: مش بعترف بيوم الحب وأنه يكون فيه يوم معين للحب، لأن اللي بيحب حد بيحبه طول الوقت ويهتم به طول الوقت ولما يلاقي حاجة حلوة يشتريها له ووقتها الهدية هيبقى ليها طعم أحلى كتير لأن الستات بيحبوا الهدايا.

زر الذهاب إلى الأعلى