شيماء سيف، النجمة المصرية، كشفت خلال حوارها ببرنامج “أنا والقناع”، مع الإعلامية منى عبد الوهاب، على قناة الحياة، عن أسرار جديدة حول خلافاتها مع انتصار وهايدي كرم في البرنامج الذي كان يجمعهم.
شيماء سيف تكشف أسرار جديدة حول أزمتها مع انتصار وهيدي كرم
قالت شيماء سيف خلال حوارها: “كنت مقتنعة لما طلعت وقلت عن مشاكلنا وأنا اتسألت وقتها وجاوبت، وانتصار كان عندها جراءة كافية وطلعت أكدت كلامي”.
وأضافت: “الموضوع انتهى بمجرد اعتراف الشخص المسئول عن الإساءة، وسبب الغضب انهم قالوا لا معملناش حاجة في شيماء سيف”.
وتابعت: “احنا اختلفنا وسيبنا البرنامج والجمهور كان بيسأل وأنا مش بخبي على الجمهور حاجة، ومشوهتش صورة انتصار وهايدي كرم ومفيش حد بيشوه صورة حد ولكن كل واحد بيشيل شيلته، وقلت كل المبررات بس الناس عارفين اللي حصل بينا، ومعرفوش يكملوا بعدي وربنا جاب لي حقي، البرنامج لم يفشل لكن مفضلش بنفس المستوى”.
وقالت “سيف”، “مش بعرف اتكلم وأحكي، ووقت زعلي بكون ساكتة”، متابعة “أنا حساسة أوي، وبخاف اتعرض لأي موقف”.
وأكدت شيماء سيف “عندي طاقة دموع، وبطلعها في البيت، وبخرج للناس بضحك ومبسوطة”، معلقة “اللي بيقولوا بتهزر يا بختها جوا ياخدو من بختها”.
وأضافت “بخاف من إحساس الفقدان.. والناس مش أسلك حاجة لما نقطة ضعفك بتبان الناس بتستغلها”، مختتمة “مستعدة استغنى عن أي حد وبدون أحزان”.
