درة، النجمة التونسية، أغلقت باب الخلالف بينها وبين النجمة المصرية حورية فرغلي، وكان ذلك خلال تصريحات لها مع برنامج “قعدة ستات” بحضور حورية فرغلي.
درة تُغلق باب خلافاتها مع حورية فرغلي
قالت درة في مداخلة هاتفية بحضور حورية فرغلي: ساعات بيبقى فيه سوء تفاهم بين اثنين، وساعات فيه ناس ممكن توقع في النص، أو ممكن تعمل حاجة مش صح، فأنا متأكدة أن زي ما أنا قلبي طيب هي كمان قلبها طيب ومفيش بيننا حاجة خالص.
وتابعت: بالعكس، فيه كل احترام وكل حب.. أنا من زمان بتعجبني كممثلة، يمكن متعاملناش مع بعض كتير لكن أتمنى لها كل السعادة والخير من قلبي، وأكيد إن شاء الله نتقابل ونعمل حاجة حلوة مع بعض.
واعترفت حورية بوجود سوء تفاهم، ووجهت التحية لزميلتها درة، مؤكدة أنها كانت دائمة السؤال عن حالتها الصحية أثناء الأزمة الأخيرة.
كواليس خلافات درة مع حورية فرغلي
سبق أن كشفت درة حقيقة تصريح حورية فرغلي، بتعمدها عدم وضع اسمها على أفيش فيلم “مصور قتيل” وذلك خلال لقائها ببرنامج حبر سري الموسم الثالث.
وقالت درة: لا طبعًا، ربنا يوفقها وربنا يشفيها، والفيلم من زمان ودي مش حقيقة ولا تمت للحقيقة بصلة، وأنا معنديش السلطة دي، وحتى لما بعمل حاجات ببطولات مطلقة عمري ما عملت كده، وعندي أعمال كتير ونسائية زي سجن النسا، ومعنديش خلافات مع حد.
الجدير بالذكر أن فيلم “مصور قتيل” من إنتاج سنة 2012 من إخراج كريم العدل وتأليف عمرو سلامة وبطولة كل من إياد نصار ودرة وأحمد فهمى وحورية فرغلي، رحمة حسن وسلوى محمد علي وكريم قاسم وعمر السعيد وعارفة عبد الرسول.
