ليلى علوي، النجمة المصرية، وجهت رسالة دعم للنجمة شيرين عبد الوهاب عبر حسابها على موقع انستقرام، أكدت فيها دعمها ومحبتها الكبيرة لها، وتمنت لها إن تنتهي أزمتها قريبا وتعود لجمهورها وأسرتها من جديد.
ليلى علوي تدعم شيرين عبد الوهاب
قالت ليلى علوي فى رسالتها لشيرين : “شيرين عبد الوهاب.. قامة فنية واسم مهم جداً في مجال الطرب..من أول معرفتي بيكي وأنا بحبك ومتأكدة من حب كل اللي بتقابليهم ليكي لقلبك الطيب وللخير اللي بتقدميه وموهبتك الفذة”.
وأضافت ليلى علوي: “لكن دلوقتي حبك في قلوبنا بقى أكبر وبقيتى أغلى وأغلى.. وحبنا اللي بيكبر هو اللي هيخليكي أقوى وترجعي أحسن كمان من الأول”.
وتابعت ليلى علوي: “أنا واثقة جداً من ده.. لحد ما تقومي من محنتك ومن بعدها كمان بناتك على راسنا، وعيلتي هي عيلتك.. بنحبك أوي”.
تطورات الحالة الصحية لشيرين عبد الوهاب
نفى محامي شيرين كل ما تم تداوله من أخبار عن صدور قرار بسفرها للعلاج على نفقة الدولة في ألمانيا، وأكد أن شيرين ما زالت مقيمة في المصحة، وبدأت حالتها النفسية والصحية تتحسن بعد تقبلها لفكرة العلاج.
ولا يمكن اتخاذ قرار بسفرها خارج مصر إلا بعد انتهاء تحقيقات النيابة العامة المصرية في البلاغات المقدمة بخصوص احتجازها عنوة بواسطة شقيقها للعلاج دون موافقتها.
